حياتنا فى سلة مهملات
بقـــــلم
فوزى
يوسف إسماعيل
حكاية رغيف العيش
كل يوم بناخد صابونة شكل.. فى المايه والأكل.. شكل رغيف العيش.. لو أضرابنا
عن أكله مش هانعيش ولا نمشيش.. ولما تدخل الطابونة تلاقيها معجونة.. الدقيق مسوس..
والعامل فيها مبوز.. وصاحبها متيس.. وشكلها مقزز.. والدقيق مش أد كدا.. مشمت فينا
العدا.. ودايما ناقص فى مقاديره.. وغرقان فى مساميره.. لحد ما بقت قضية علينا
مستعصية.. هاتتحل أمته فى الألفية.. والرغيف العيش أمته هينصلح حاله.. ونعرف أمته
ونوعاله.. وأصحاب الطباينة يخافوا ضمايرهم.. وسرهم يبقى فى بيرهم.. ومايهاجمش
عليهم مفتش التموين فاجأة.. مايخافوا من العين وينزنقوا الزنقة.. ويتعملهم محضر
وأساميهم فى الدفتر تتسطر.
يا أهل الضمير.. إحنا برضه عايشين كلنا فى أرض الله.. واللى يخالف كده منه
لله.
بترموا ليه القضية ع الوزير.. الوزير مشاكله كتير.. وبتقولوا أنه هو
المسئول.. لأنه عنده كل الحلول.. وأدى الوزير لما أتولى شئون الوزارة.. رغيف العيش
ياعينى عليه ويا ألف خسارة.. الظبط والربط راح وكل شئ فى العيش إستباح.
فيه عدة فوائد ماتخلىّ منه الموائد.
معجن وملدن.. وأسمر ومقمر.. وأسود ومتلخبط كيانه.. وكل يوم مخالفه علشانه..
يوم ماتلاقهوش ويوم ماتاكلوش.. عايزين ننهض برغيف العيش.. علشان نقدر نعيش..
ونبتكر يوم عالمى للرغيف نقضى فيه يوم لطيف.. إشمعنا كل شئ فى البلد بقى له عيد
نطفى فيه الشموع.. فى اليوم ده نحط الأيد فى الأيد ونحاول التجديد أحسن ما نموت م
الجوع.
ليست هناك تعليقات:
إرسال تعليق