(الحلقة الحادية
والعشرون)
م/1
مستكه00 ادى اللى كنت عامله حسابه.. هو انت فاكر الماسك اللى عملتهوله
هيفضل على وشه على طول..
بدار00 طبعا لاء.. لكن كنت عايز
افوت الموقف ده لايفتكره لاعب
من نادى الزغاليل..
ولما قال انى شوفته وقع قلبى فى رجليا..
مستكه00 الحمد لله انه مكتشفهوش
لاكانت تبقى حكايه..
بدار00 ماهو انا كمان ماسبتوش
الا ما اقتنع انه بلجيكى يامستكه..
وبعد كده يكون اتثبت
فى الفريق بغيره خصوصا لو ضربت معاه
واحرز هدف ولا اتنين
زى مامادو..
مستكه00 عندك حق.. وكمان ياريت متروحلوش
اليومين دول هناك..
بدار00 ليه..
مستكه00 خليه ينساك شويه ..وتبقى
بعيد عن عنيه.. احسن كل لحظه
والتانيه هيقولك حصل كذه ومحصلش كذه..
بدار00 وجهة نظر صحيحه برضه..
البعيد عن العين بعيد عن القلب..
مستكه00 واديك اتليمت على الفلوس .. وعلى راى المثل شد الفتيس ودوس..
والجرى نص الجدعنه..
- موسيقى-
م/2
ظريفه00 هه عامل ايه ابنى ظريف فى المدرسه ياست
مستكه..
مستكه00 حلو خالص فى التديب ياست ظريفه..
ظريفه00 ماشاء الله مش قولت لك.. ابنى موهوب..
مستكه00 وفى التقسيمه جاب هاترك..
ظريفه00 الله الله دا لازم تحطوه بقى فى لوحة الشرف..
مستكه00 امال ماحنا رأناه.. وخد درجه..
ظريفه00 درجه صحيح.. وخد درجة ايه..
مستكه00 بقى مسئول قسم الكورنر والضربات
العرضيه.. واريبا ضربات التماس
(مقصوده بهذا النطق)
ظريفه00 ياهناه ياهناه..(تطلق زغروده)
مستكه00 مبسوطه..
ظريفه00 الا مبسوطه عقبال يارب لما يبقى رئيس
قسم التسلل..
- موسيقى-
م/3
بدار00 ادى 50 فانيلا و50شورط وكمان 50 شراب
ومعاهم 50 بوط..
مستكه00 الله الله كل ده ليه..
بدار00 علشان المدرسه.. امال اعمليلهم تجديد
شامل..
مستكه00
مانى بعملهم عند الخياطه..
بدار00
خياطة ايه يامستكه.. عمايل الخياطه دى ماتنفعش لمدرسة كوره..
انا اتعملت مع شركه هتبيع ليا
الحاجات دى برخص التراب
يعنى بتخفيض مريح .. ويمكن يبقى
بالتقسيط المريح..
مستكه00
لاء تقسيط لاء..قولت لك كام مره التقسيط لاء.. انشالله نعمل
جمعيه وندفع كاش ..التقسيط يعنى فوايد بتقسم الضهر..
بدار00
خلاص اهو انا هادفع جزء والجزء التانى وقت مايفرجها ربنا..
بس.. كنت يعنى كنا نسحب قرشين من
الفلوس اللى عندنا..
مدام يعنى معانا فلوس..
مستكه00
لاء ولا قرش.. خليهم مختومين.. الاحسن ندعى التقشف انت شايف
عين الست ظريفه.. واحنا بنقول ياحيطه دارينا..
بدار00 عندك حق.. فاضل بقى اروح اجيب جهاز
الزحلقه وكيكه على
العالى وكيكه على الواطى..
مستكه00
اهيه ودول ليه..
بدار00
همه هيفضلوا يلعبوا على طول كوره يامستكه.. مش لازم
نعملهم ملاهى يغيروا فيها شويه.. انشالله نعمل
لهم مرجيحه لفافه..
-
موسيقى-
م/4
ظريفه00 عايزه اعمل لابنى ظريف زياره مفاجاه..زى
اللى بيعملوا الوزرا
على المدارس والمستشفيات..
مستكه00 ليه ياست ظريفه..
ظريفه00 اشوفه بيذاكر فى طرق اللعب ولا مصهين..
مستكه00 مصهين..
ظريفه00 ايوه اصل عيزاه يطلع الاول..ولما بيعرف
انى رايحه له بيغرق
فى المذاكره..عملية شد ودن يعنى..
مستكه00 اطمنى خالص ياست ظريفه.. احنا عاملين
لهم برنامج..
ظريفه00 برنامج هو انتم هطلعيهم على
التليفزيون..
مستكه00 لاء تليفزيون ايه.. انا قصدى ان كل حاجه
بيعملوها ببرنامج يعنى
بيدربوا فى ميعاد وياكلوا فى ميعاد
ويشربوا فى ميعاد..
ظريفه00 قولتيلى فهمت.. هه وكمان عملتوا لهم وقت
للبريك..
مستكه00 طبعا للبريك والفريك واللى همه
عايزينه..
ظريفه00 كده بقى انا مطمنه بس ياريت يامستكه ياختلما
يجوا يتخرجوا تقوليلى..
مستكه00 ليه..
ظريفه00 علشان اعمل حسابى فى المطرب والمصورين اللى
هاجبهم علشان
تبقى ذكرى لاحفاده..
-
موسيقى-
م/5
مستكه00 الست ظريفه دى حكايه..
بدار00 حصل ايه..
مستكه00 كأن ابنها فى الاكاديميه
الدوليه .. كل لحظه والتانيه تسأل عليه هو عامل
ايه
بيذاكر ولا لاء..
بدار00 (يضحك) هاا هاا..
مستكه00 بتضحك..
بدار00 اصلها فاكره ان بنها هيبقى زى الخطيب..
مستكه00 لاء وكل ده كوم ويوم
التخرج كوم تانى.. عايزه تجيب مغنى وفرقه..
بدار00 ليه هى فاكره ابنها
هيتخرج من الحربيه..
مستكه00 باين كده..
بدار00 ماتشغليها فى المدرسه
يامستكه ..
مستكه00 ايه اشغلها..
بدار00 ايوه اهو تعمل حاجه تعدل
حاجه ..تساعد فى حاجه .. ومش هتقول
لاء مادومت هتبقى جنب
ابنها ظريف..
مستكه00 والله فكره اما اعرض عليها
الموضوع ده.. انا فعلا محتاجه لواحد زيها..
بدار00 اواقولك تعلمهم كمبيوتر ونت وانا من بكره
هجيب جهازين تلاته
يتعلموا عليهم واهو احنا بنطور فى المدرسه برضه..
قولت ايه..
مستكه00 قولت جود لاك انت كده جبت
التايهه..
- موسيقى-
(نهاية الحلقة 21)
(الحلقة الثانية والعشرون)
م/1
ظريفه00 (تضحك) هههه.. انا اشتغل
فى مدرسة كابتن بداركو مكتشف مواهبكو..
مستكه00 فيها ايه..
ظريفه00 وهشتغل ايه بقى..
مستكه00 مدرسة كمبيوتر ونت ..انتى
مش بتعرفى فى الحاجتين دول..
ظريفه00 الا باعرف دا انا خبيره..
اهيه هو حد فى الجيره كلها يعمل
مواقع ولا فيسبوك ولا يصطب الجهاز زيى..
مستكه00 خلاص وجيت الفرصه لحد عندك
..هتعلمى الولاد الكمبيوتر
والنت .. مش بدل مانجيب حد من بره.. انتى اولى قولت ايه..
ظريفه00 مقدرش اقول حاجه عن كده..
دانى يزدنى شرف لما ابقى رئيسة
قسم المعلومات فى مدرسة كابتن بداركو مكتشف
مواهبكو..
- موسيقى-
م/2
ابوحمام00 (فى الهاتف ) (صوت بعيد) الحق يا كابتن بدار..
بدار00 (ص/قريب) فيه
ايه ياكابتن ابوحمام تانى..
ابوحمام00 الحقنى حالا.. شوماشو هايج ومش عايز يهدا..
بدار00 ليه حصل ايه..
ابوحمام00 من نفسه كده يا كابتن..
بدار00 طيب انا جاى على طول..
ابوحمام00 متتاخرش ياكابتن احسن هيعمل لنا جنايه..
بدار00 مسافة الطريق بس اطمن التوك توك بتاعى
سريع ..
- موسيقى-
م/3
بدار00 فيه ايه يا كابتن..
ابوحمام00 فاجأه بعد ماخلص الماتش
ليقته زى الطور الهايج نسكت فيه
مفيش فايده ..نسوق عليه حد كبير علشان يعمله
احترام لايمكن..
انا مش عارف جراله
ايه..
بدار00 وهو فين دلوقتى..
ابوحمام00 اهو فى الاستراحه..ماسكينه
2-3 علشان ميعملش خساير
فى النادى..وبيسقوه
عصير يهدوا به اعصابه..
بدار00 طيب ممكن اتفاهم معاه ياكابتن..
ابوحمام00 مانى منادى لك علشان
كده.. قلت مش هيعرف لغته الا
الكابتن بدار
السمسار.. روضه يا كابتن روضه.. لعلى وعسى
يعملك احترام
ويهدا..
بدار00 حاضر انشاء الله هخليه زى الحمل الوديع ..
اطمن خالص يا كوتش.. ممكن اتفاهم معاه فى اوضه
مغلقه ..
ابوحمام00 وماله استنفرادى يعنى
لوحدكم..
بدار00 ايوه..
ابوحمام00 ربنا معاك.. بس اسمع لو مهديش تشوفلى
نادى اعيره فيه ..
بدار00 ولو مفيش نادى هيقبله على الوضع ده
ياكابتن..
ابوحمام00 لو مهديش ادينى رنج ..عندى المكان
اللى هعيره فيه ويحترف
كمان هناك طول عمره..
بدار00 مكان ايه..
ابوحمام00 مستشفى المجاذيب..
-
موسيقى-
م/4
بدار00
ايه اللى عملته ده ياونش..
حماده00 بيستهفونى يا كابتن.. نزلونى
اخر عشر دقايق فى الماتش ومطالب
احط جون قبل نهاية الماتش..اعمل ايه.
بدار00 جون قبل نهاية الماتش بعشر دقايق..
حماده00 ايوه.. تيجى ازاى دى..
دا انا لو جريت شويه معرفش حتى
اوصل للجون فى ظل الهجوم الشرس بتاع الفرقه
المنافسه.. ابقى
لو ماجبتش جون انطرد
من النادى..
بدار00 لالالاء طبعا ماتلحقش حتى توصل للجون..
حماده00 مش عندى حق برضه..
بدار00 عندك حق بس مش كده..
الراجل لو عرف انك مصرى
هيعمل انقلاب علينا.. وهتوصل للتحاد و الفيفا..
حماده00 طيب اشمعنا انا.. كده بقى
بعاند معايا.. انا عايز اخد فرصتى
كامله ياكابتن..
بدار00 انا هاكلمه بس متوسعش فيها قوى احسن الكابتن عايز يشحنك
على مستشفى المجاذيب وتتفقس الحكايه..
حماده00 ايه..
بدار00 اى لسه قايل لى الكلام ده حالا.. وكمان
ايه ايه اللى خلاك تغسل
المكياج اللى
عملتهولك..
حماده00 امال هخلينى من غير ما اغسل وشى..
بدار00 طبعا متجيش..طيب حاول
بقى ياكابتن متوروش وشك له كتير..
-
موسيقى-
م/5
بدار00 انت الغلطان ياكابتن..
ابوحمام00 انا الغلطان فيه ايه.
بدار00 نزلته قبل نهاية الماتش بعشر دقايق وطلبت
منه يجيب جون..
ابوحمام00 انامرضتش اغامربه فى ماتش زى ده ونزلته شويه علشان
اعرف مستواه
بدار00 ياكابتن ده عايز يلعب الهاف تيم كله..
ابوحمام00 انا عملت الصح زى اللى بيتعمل فى كل فرقه..
بدار00 طيب دلوقتى هوهدى خالص.. يعنى كأن مفيش
حاجه..
ابوحمام00 ماشى وان كان هو زعلان على كده انا هاهريه ماتشات وديه..
بدار00 وهو ده اللى عايزه اصله نفسه مفتوحه..
ابوحمام00 طيب يلا بينا نروح نصالحه..
- موسيقى-
م/6
ابوحمام00 معلش ياكابتن شوماشو..
حماده00 سوشو موجو فر..
ابوحمام00 ايه الكلام ده..
بدار00 بيقولك انه مش زعلان..
ابوحمام00 الماتش الجاى هاتلعب من اول الهاف تيم الاولانى..
ابوفجله00 ماما جاجا فر..
ابوحمام00 الله فر يعنى ايه.. كل
شويه يقولى فر..
بدار00 فر يعنى انت من جوه هنا
حلو..
ابوحمام00 دا عايز قاموس بقى علشان نفهم لغوته..
بدار00 بلجيكى ياكابتن بلجيكى..
ابوحمام00 ماشى ليك عزرك..
بدار00 لو تسمح ياكابتن اخده معايا شويه
امشيه على الكورنيش يشم شوية هوا..
ابوحمام00 طيب استنى شويه انا موصى
على شوية كشرى ياكل له طبق ولاحاجه.
بدار00 هنبقى ناكله على الكورنيش..
ابوحمام00 طيب..
بدار00 بينا ياشوماشو..(صوت طرق اقدام تتباعد)
مسعد00 ياكابتن
ياكابتن..
ابوحمام00 فيه ايه يا مسعد..
مسعد00 انا سمعت شوماشو ده مع
الكابتن بدار وهمه بيكلموا عربى..
ابوحمام00 ايه.. عربى.. يعنى ايه
شوماشو بيكلم عربى..
- موسيقى-
(نهاية الحلقة 2)
(الحلقة
الثالثة والعشرون)
م/1
ابوحمام00 (ثائرا) انا مش
هاسكت .. انا لازم اخد ضده اجراء قانونى..
هشتكى للاتحاد
هشتكى للفيفا..
مسعد00 مش كده يا كابتن..
ابوحمام00 مش كده هاتولى بدار
حالا.. يدينى لاعب عيره..
مسعد00 كل شئ يجى بالهداوه..
ابوحمام00 مفيش هداوه.. ابعت مذكره
للفيفا..
مسعد00 طيب حاضر.. اهدى بس
ياكابتن واحنا هنعمل كل اجراءاتنا..
ابوحمام00 ماكنتش اخليه مايشتغلش
المهنه دى خالص.. دا انا اللى دهنت
الهوا فوزدوئى..
-
موسيقى-
م/2
حماده00 ياكابتن كابتن حمام ناوى يقعدنى على الدكه..
بدار00 ميقدرش.. كابتن حمام داخل على ماتش مصيرى
..ماتش القمه..
وطبعا ده اللى هيحدد مين اللى هيطلع الدورى..
حماده00 ماهو اللى عمله معايا مؤشر لكده..
بدار00 متخفش الكابتن حماده
معندوش اللى يخلص الماتش.. يعنى انت
اساسى اساسى..
-
موسيقى-
م/3
ابوحمام00 انت فين انا هوديك اللومان ..انا هابلغ عنك الفيفا انا هشطب اسمك
من سجلات العائله الرياضية نهائى..
بدار00 الله الله فيه ايه ياكابتن حمام..
ابوحمام00 انت خليت فيها حمام انت
خلتنى عصفر يمام .
بدار00 ايه الكلام اللى بتقوله ده.. انا مش
فاهم حاجه..
ابوحمام00 طبعا يعملوها ويخيلوا..
يعنى مش حاسس عملت ايه..
بدار00 الله ماتفهمنى كلمنى ..
ابوحمام00 بقى ياراجل اثق فيك تقوم
تضحك عليا وتقولى شوماشو
مبيكلمش عربى..واتضح انه جهبز فى اللغه
العربيه..
بدار00 اه مش تقول كده.. اصله بياخد قرص فى
العربى..
ابوحمام00 تانى عايز تضحك عليا..
بدار00 انا هاضحك عليك بس ليه ياكابتن
ابوحمام.. مش انت نفسك ممكن
تتعلم انجليزى وتتكلم به..
ابوحمام00 ايوه..
بدار00
وغيرك وغيرك..
ابوحمام00 برضه ايوه..
بدار00 طيب يبقى مفيش مشكله..
ابوحمام00 طيب علشان اطمن يجيب لى
بكره بطاقته الشخصيه.. وهى دى
اللى هتفصل بنا.. ماشى..
-
موسيقى-
م/4
بدار00 مشكله يامستكه مشكله..
مستكه00 مشكلة ايه كفالله الشر..
بدار00 ابوحمام مدير الكره فى نادى ابوحمام..
مستكه00 ماله..
بدار00
عاوز بطاقة حماده الونش الشخصيه.. علشان يتحقق من شخصيته..
مستكه00 وده ليه بقى..
بدار00 سمعه بيكلم عربى ومن سعتها هايج وعايز
يخبر اتحاد الكره والفيفا..
مستكه00 اهيه اما حتة مطب.. طيب
وهاتعمل ايه..
بدار00 مش عارف احل الموضوع ده ازاى..
مستكه00 معقول من بعد ماقولنا خلاص
العملية استقرت يطلع لنا الموضوع ده..
بدار00 بس انا لازم احل الموضوع ده باسرع مايمكن..
مستكه00 ايوه الحقه باى طريقه احسن
يفتح علينا باب النقاد ومنقدرش نلمه..
بدار00 ماشى.. سلام..
مستكه00 رايح فين..
بدار00 رايح له..
مستكه00 طيب ابقى طمنى يابدار..
احسن كده الفار ابتدا يلعب فى عبى ..
-
موسيقى-
م/5
بدار00 ياكابتن يكلم عربى يكلم
لاتينى المهم انه يحط الهدف..
ابوحمام00 ازاى.. يعنى ايه..
بدار00 يعنى الشوشره دلوقتى مش هاتجيب همها..
انت داخل على ماتش
مهم ..ماتش القمه..
ابوحمام00 الماتش كده كده
هايتلعب..
بدار00 لاء فيه فرق لما الماتش يتلعب فى جو هادى
ونفسية اللاعيب
تكون مستريحه ..وفرق لما تكون الصحافه ووسائل
الاعلام بيقطعوا
فى
فروتك..خصوصا الفضائيات ..شوف بقى..
ابوحمام00 شوف بقى انت ..لازم
اتحقق من اللاعب قبل ما انزل الملاعب..
والا
هاتشوف منى ياكابتن متاعب..
بدار00 يعنى مصر..
ابوحمام00 ايوه مصر..واعمل حسابك انا اخطرت
الفيفا بخطاب رسمى..
بدار00
كمان..
ابوحمام00 طبعا..
بدار00 طيب اسمح لى اقولك ياكابتن حمام ..انت
كان قدامك فرصة
الصعود للدورى الممتاز انما بقى هارد لك..
ابوحمام00 اطمن عندى اللى
هيصعدونى.. انت فاكر ان حماده الونش ده
هيصعدنى تبقى فاهم
غلط..
بدار00 حماده الونش .
ابوحمام00 هه كل شيئ اتفتش وبان..
انا جبت صحيفة صوابقه .. وكان بيلعب
مع فريق الزغاليل
مش كده..
بدار00 هاقول ايه بعد كده..
(صوت
طرق اقدام تتقارب)
مسعد00
ياكابتن ابوحمام .. ياكابتن ابوحمام..
ابوحمام00 فيه ايه يامسعد..
مسعد00 شومامشو .. اللى جه من اسبوع ..
ابوحمام00 ماله..
مسعد00 مش موجود فى النادى نهائى.. وواخد كل متعلقاته معاه..
ابوحمام00 بتقول ايه..
مسعد00 ايوه زى مابقولك كده..
وانا برجح حاجه من اتنين لا هرب لااتخطف..
ابوحمام00 (بخضه) ايه
اتخطف..
- موسيقى-
(نهاية الحلقة 23)
(الحلقة الرابعة
والعشرون)
م/1
صاصا00 وكما تعلمون عن خطف
اللاعب شوماشو من قلب نادى ابوحمام..
يبقى السؤال الذى يطرح نفسه فى
الشارع الرياضى.. من له المصلحه
فى خطفه.. هل هو
الفريق المنافس .. ام هم فئه تتعاطى البانجو وعايزين
منه يطلعوا منه بقرشين.. هذا ماسنعرفه فى الايام القادمه..
وعلى رأى
مثل تيزه.. ياما فى الجراب ياحاوى.. صاصا ابو
طافيه..
الشباب
والرياضه..
- موسيقى-
م/2
مستكه00 ايه ده .. هو الخبر اتنشر على الفيسبوك بسرعه كده..
بدار00 امال يامستكه ..دا خبر الموسم..
مستكه00 وهو مين يعنى يكون اللى
خطفه..
بدار00 خطفه ايه بس .. الونش ماتخطفش..
مستكه00 امال الجرايد والموائع
الالكترونيه بتقول كده ليه..
(مقصوده بهذا النطق)
بدار00 فرقعه اعلاميه يامستكه..
مستكه00 اه فهمت .. سبء صحفى
يعنى..
بدار00 ايوه.. علشان يعملوا بلبله قبل ماتش القمه..
مستكه00 ياسلام حرب نفساونيه.. (مقصوده
بهذا النطق)اما عليهم حاجات..
طبعا لما العجل يقع
تكتر سكاكينه..
بدار00 وده اللى مأرقنى ومش عارف انام.. الونش
يهرب ازاى وان كنت
خلاص زللت عقبته..
مستكه00 ياخويا بكره يبان اهيه هو
هيسغنى عن اللعب.. اما اقوم بقى
اشوف الاخبار على المواقع الاجنبيه .. كاتبين
عليه ايه همه كمان..
بدار00 ياسلام يعنى كنتى بتعرفى تقرى انجليزى..
مستكه00 اهو انى هاتفرج عن الصور..
- موسيقى-
م/3
(صوت هياج جمهور خافت)
مستكه00 انتى بتتعصبى جامد قوى
ياست ظريفه.
ظريفه00 اهيه مانتش شايفه الجون
صحيح ميه فى الميه ازاى
ياست مستكه..والحكم لاغاه..
مستكه00 انتى لازم يبقى عندك روح
رياضيه..الكوره غالب ومغلوب..
ظريفه00 واخرتها بيقولوا ان الحكام
المصريه بتحكم غلط.. يجوا
يشوفواالحكم اللى من بلاد بره يقدروا
يقولوا عليه حاجه دلوقتى.
مستكه00 ماهو الكوره ثانيه فى
النازل وثانيه فى الطالع ..والجدع
اللى ينتهز
الفرصه..والغريب اعمى ولوكان ذو بصيره..
ظريفه00 مالهم الحكام الوطنين
عقلهم نٍور وفاهمين الكوره راحه
فين وجايه منين.. وكمان لما تضرب معانا
وناخد كاس
العالم ..يبقى بفكر
مصرى ميه فى الميه.. سواء فى الحكام او المدربين..
- موسيقى-
م/4
بدار00 انا باخد انتقادات حاده كتير من
الصحفين والاعلاميين علشان
هروب شوماشو يامستكه..
مستكه00 يعنى الصحفين دول ماورهمش
الا انت .. ماهو عندهم
المشاكل التانيه..زى
طوابير العيش ولا الموصلات
ولا يوميات
الانتخابات.. ولا غيره وغيره.. ويسبوا الرياضه
فى حالها. اهيه ماهو
فيه نقاد محللين اد المسئوليه.. وبيقولو ايه بقى
دول عنك ..
بدار00 بيقولوا ان شوماشو اخطف
فى ظروف غامضه..
مستكه00 غامضه ولا مفتحه همه
مالهم.. اسمع يا بدار الموضوع ده مش
لازم تسكت عليه..
بدار00 عايزانى اعمل ايه..
مستكه00 بالعقل كده ..لو اللى اسمه
الونش ده اتخطف بجد كانوا اللى خطفوه
طلبوا فديه.. صح..
بدار00 صح..
مستكه00 وحيث انهم ماطلبوش ولا حد
اتكلم عن حاجه زى دى .. يبقى هو هرب..
بدار00 كلام صحيح ..بس يعنى تفتكرى انه هرب بجد..
مستكه00 دا اكيد .. ده تحليل
للموقف للموضوع..
بدار00 خلاص ابقى اعمل عنه اعلان.. اللى يعتر فيه يسلمه لاقرب شرطه..
مستكه00 لاء لاقرب مركز شباب واحنا
نروح نستلمه علشان الشوشره..
ولا اقولك خلى
الاعلان ده عليا هاعملهولك على الفيسبوك..
(صوت جرس تليفون)
بدار00 لحظه ونستكمل كلامنا
لاحقا.. الو..
صوت00 (صوت من بعيد) الحق
ياكابتن بدار.. لقيوا شوماشو
بيشرب عصير قصب..
بدار00 ايه.. الحقى يامستكه..
شوماشو ظهر..
مستكه00 كده طيب خليه يمسكه لحد
ما نروحله.. وياخد وياه رجلان..
علشان مايأومش..
- موسيقى-
م/5
صاصا00 سيداتى وسادتى.. لقد جاءنا البيان التالى..
افادت
مصادر رسميه ان اللاعب شوماشو كان بيسنكح ولقيوه
على
المحطه بيشرب عصير قصب.. وتبين بعد ذلك انه كان
بيعمل
عملية الزايده فى المبره..
ولكن السؤال الذى يطرح نفسه الان..هل كان
شوماشو مخطوف
بالفعل..
ام كما هومصرح ..ام حصل ايه ماعرفش..
ولقد
هدات الان الاوساط الرياضيه بعد ظهوره حتى لقاء القمه
الذى
يقام على استاد كابتن بعزق فى مزنق والذى
اقيم
على مساحة
12فدان وساهمين . بتكلفه قدرها 4مليون و
200الف و157جنيه و30مليم من
جمعيه كان بيعملها هو
وزمايله فى
الشغل.. ومن المعروف ان الماتش
سيقام بين
فريق الزغاليل وفريق ابوحمام بكره الصبح..
وكان المفروض
نلعب فى بنيه لكن له فى ذلك حكم وهنلعب فى
الاستاد اللى قولنا عليه سلف
الذكر..
فعلينا
ان نوقف الشائعات وننتظر لما هو آت..صاصا ابو طافيه .
الشباب
والرياضه..
- موسيقى-
(نهاية الحلقة
24)
(الحلقة الخامسة
والعشرون)
م/1
ابوحمام00 شوماشو بتاعى..
برعى00 لاء الونش بتاعى انا..
ابوحمام00 مهما تعمل شوماشو على قوة فريق ابوحمام..
برعى00 مهما تعمل انت الونش على قوة فريق
الزغاليل .. العقد معايا
وموقع بخطه..
ابوحمام00 لا يمكن .. مش هاسيب شوماشو..
برعى00 يا جدع انت مش اسمه شوماشو اسمه حماده
الونش ..
ابوحمام00 حماده الونش شوماشو هو برضه بتاع فريق ابوحمام..
برعى00 ماتركبش دماغك دا هربان من النادى وحط
عندك يابوحمام..
ابوحمام00 شوفت بقى ..يبقى بتاعى ولا لاء.. هو فيه طير يحط فى بنيتنا
ويطير
تانى..يا اخى هاع..
برعى00 الله ماطولك ياروح ..
ابوحمام00 ولو ماطولهاش هتعمل ايه..
برعى00 هاغلبك سته..
ابوحمام00 انت..
برعى00 ايوه وهاصعد الدورى العام..
ابوحمام00 انت..
برعى00 ايوه..
ابوحمام00 ياراجل انت ماطولش معايا ..انت لسه زغلول فى الكوره..
برعى00 لاء احنا الزغاليل .. واما اشوف الزغاليل
ولا الحمام.. واللى
مايشترى يتفرج بكره فى استاد بعزق فى مازق..
- موسيقى-
م/2
مسعد00 الحق ياكابتن بدار.. انت فين..
بدار00 فيه ايه يامسعد ايه اللى حصل..
مسعد00 الكابتن ابوحمام والكابتن
برعى مدير الكره فى نادى الزغاليل
ماسكين بالخناق من
ساعه..
بدار00 ليه..
مسعد00 بيضربوا على اللاعب
شوماشو..
بدار00 الله هوشوماشو وصل..
مسعد00 لاء..
بدار00 طيب بيضربوا ليه عليه..
مسعد00 اصلهم بيقولوا من ساعت ما
الصحف كتبت عليه وهو عيلى صيته..
بدار00 اه طيب همه فين..
مسعد00 فى المكتب بيتنقروا..
بدار00 طيب الحقنى بواحد عصير ..
مسعد00 هاتشرب عصير..
بدار00 ايوه اروق دمى لانى داخل على معركه
كرويه..
- موسيقى-
م/3
برعى00 تنكر ان الونش مش
بتاعى..
ابوحمام00 فى الوقت الحاضر بتاعى
يابرعى..
بدار00 ياجماعه ياجماعه .. الونش بتاعك الونش بتاعه الونش بتاعنا كلنا..
برعى00 انت خده من الزغاليل للحمام وده مخالف للايحه..
بدار00 هو اللى طلب يتنقل
ياكابتن من فريقك..
برعى00 كنت قولى..
ابوحمام00 احنا هانسيب الحمار
ونمسك فى البردعه.. شوماشو ده مش
بلجيكى ولا لاء ياكابتن بدار..
بدار00 بلجيكى بلجيكى..
برعى00 بلجيكى .. الونش بلجيكى.. دا عمره ماعتب
باب النادى نهائى
اخره ميعرفش لماذا
سمى ميدان رمسيس برمسيس.. يبقى راح
بلجيكا منين..
بدار00 اهدى ياكابتن برعى .. كل شئ بالخناق
الا شمواشو بالاتفاق..
برعى00 ماليش دعوه انت اللى خده ولازم
ترجعهولى..
بدار00 باقولكم ايه انا عندى فكره
هاقولهالكم لو وافقتم عليها هنحل المشكله..
هه هاتوافقكم ..
برعى 00 نسمعها الاول..
بدار00 وانت ياكابتن ابوحمام..
ابوحمام00 ماشى..
بدار00 طيب اسمعوا بقى.. زمان امى كان عندها
دكر بط راح عند جارتنا
امت جارتنا قالت
بتاعى.. فضلوا يتنازعوا عليه مده كبيره.. وفى
لحظه
هديم بانهم يحطوا الدكر بين الدارين واللى يدخله يبقى بتاعه..
عملوا كده دخل دكر
البط دار امى بقى بتاعها.. ايه ريكم نعمل فى
الونش نظرية الدكر
ده..
-
موسيقى-
م/4
بدار00 ياكابتن برعى انا جيت لك علشان اصفى الموضوع معاك..
برعى00 انا متمسك بالونش..
بدار00 مش عايزين الموضوع ده يأئر على معنوية الفريق وانت قدامك
بكره مباراة القمه..
برعى00 يعنى ايه اخلى لاعب يضيع منى كده وانا حاطه فى الخطه.. انا لازم
ادى درس لفريق ا ابوحمام وهانتش ريشه..
بدار00
انت مش يهمك توصل الدورى العام..
برعى00 ايوه..
بدار00 خلاص بعد الماتش هاجيب لك لاعب سنغالى .. او اقولك الاحسن
هاجيب لك لاعب مالى.. بس انما ايه مالى مالى..
- موسيقى-
م/5
بدار00 خلاص الكابتن
برعى وافق يستغنى عن اللاعب شوماشو
ياكابتن ابوحمام..
ابوحمام00 عمل خير اصل لو كان ما
وفقش كنت هاعمل ايه..
بدار00 كنت هاتعمل ايه..
ابوحمام00 كنت هسكعه دسته..
بدار00 خلى بالك ياكابتن فى حالة التعادل مع
فريق الزغاليل اللى هيصعد
الدورى الممتاز هو فريق الناخيل..
ابوحمام00 مانى عارف علشان كده
عمال ادرب الحمام على الضربات
العرضيه علشان نسحق
الزغاليل..
(صوت جرس تليفون)
الوه..
ايوه انا ..ايه..
كده
طيب .. شكرا.. (صوت وضع سماعه)
بدار00
خير ياكابتن..
ابوحمام00 مسيو تيفا الليفا
الموفد من الفيفا وصل مصر علشان يحسم الامر..
-
موسيقى-
(نهاية الحلقة 25)
ليست هناك تعليقات:
إرسال تعليق