إذاعة
جمهورية مصر العربية..
قطـــــــاع الاذاعــــــــــــــــــة
شبكة الشباب والرياضــــــــــة.
تقــــــــدم
..
مسلسل..
سمسار فايف ســــــتار
سمسار فايف ســــــتار
(30ح - 5ق
تأليف : فوزى يوسف إسماعيل
إخراج : محمد النشرتى
****
اذاعة جمهورية مصر العربية..
قطاع الاذاعة..
شبكة الشباب والرياضة..
تقـــــــــــــــــــــــــــدم ..
مسلسل..
سمســـار.. فايف ســــتار
تأليف : فوزى يوسف اسماعيل
بطــــولة :
ــــــــــــــــــــــــ
1-
نشوى مصطفى.
2- يوسف عـيــــد .
3- عبير
مكـــــاوى.
4- محمود عامــــر.
5-
حسين ابراهيــم.
6-
احمد شاهــــين.
7-
سعيد المغربـى.
إخراج : محمد النشرتى
مدة الحلقة : 5ق
عدد الحلقات 30ح
اذيعت فى الاول من رمضان 1433
27/7/2012
* * *
(الحلقة الاولى)
م/1
مستكه00 ايه الفانيلات والشورطات والشربات دى
كلها يابدار..انت ناوى
تفتح
محل يابدار..
بدار00
انتى بتقولى فيها يامستكه.. ايوه هافتح كشك.
مستكه00 كشك..
بدار00 ايوه هاعمل كشك ح حلو كده اجيب فيه شوية
بضاعه.
مستكه00 وهتنك تبيع الحاجات دى كتير يابدار.. مش
هدورلك على وظيفه حلوه
بدل
الكلام ده.
بدار00 وفين الوظيفه دى.. خلاص موضوع الوظيفه
راح من دماغى.
مستكه00 معقول اللى بسمعه ده.
بدار00 مش معقول ليه مانى لو شايف فيه وظايف
لا ماكنت تعبت نفسى
بالشكل ده.
مستكه00 طيب واخرتها..
بدار00
اخرتها هاعملى كشك واجيب له تصريح من البلديه ..ابيع فيه
شويه ملابس رياضيه ..ترنجات على فانيلات على
كور ومضارب تنس
ويوم ورا يوم هيكبر.
مستكه00 واشمعنا بقى الملابس
الرياضيه بالذات.
بدار00 دلوقتى احنا فى اجازة المدارس والشباب
بيسلى وقته بايه.
مستكه00 بلعب الكوره..
بدار00
اديكى قولتيها..لعب الكوره..وطبعا لما اجيب تى شيرتات عليها
صورة لاعيب كبير ولانجم زى نجوم البرازيل
والارجنتين
هتتسحب.. وكمان فى الاجازات بتكتر الدورات
والالعاب ..وهلما
جره يعنى مشروع مكسبه مضمون.
- موسيقى-
م/2
مستكه00 الله رايح فين يابدار..
بدار00 رايح اشوف حالى بقى يامستكه.. مش ورايا
شغل الكشك..
مستكه00 بدرى كده..
بدار00 امال احسن ورايا 3-4 مشاوير مشوار للكشك
ومشوار للبلديه
وياعالم هلاقى طوابير عليها ولا لاء.
مستكه00 طيب واخد الحاجات دى معاك ليه..
بدار00 اهو يمكن حد يعجبه حاجه ولا حاجه..
مستكه00
طيب ماشى يابدار ربنا يوفقك.
بدار00 يلا عاوزه حاجه..
مستكه00 عاوزه تخلى بالك من نفسك..
بدار00
ماتخفيش.. يلا سلام..
مستكه00 مع الف سلامه.
- موسيقى-
م/3
بدار00 معايا فانيلات معايا تى شيرتات كل
لاوازم الالعاب الرياضيه.
موظف00 الله الله الله ايه يا اخينا انت ..انت
جاى تبيع فانيلات وتى شيرتات هنا..
هنا مصلحه حكوميه.
بدار00 عارف ..عارف انى فى البلديه وعلشان
كده جاى اطلع تصريح.
موظف00 تصريح.. لايه بقى انشاء
الله.
بدار00 لكشك ابيع فيه الحاجات دى بدل مانى
واجع دماغكم كده.
موظف00 وهو انت فاكر هتاخد
التصريح كده على طول..مش لازم نعاين
مكان الكشك..مش لازم نشوف الكشك ده معارض طريق
عمومى
ولا لاء..مش لازم..
بدار00(مقاطعا)
الله الله ايه يا استاذ هو انا هاخد تصريح مبانى.
موظف00 اكتر اكتر ياستاذ..الكشك
بالذات عليه تدقيق.. مش يمكن الكشك
ده
يكون فى شارع ساكن فيه شخصيه هامه.
بدار00
والشخصيه الهامه مالها ومال الكشك..
موظف00 دا مالها قوى ازاى انت
عايز الشخصيات الهامه وهى داخله الشارع
يبقى فيه كشك زى بتاعك.
بدار00 طيب والمهم ايه الاجراءات.
موظف00 تعالنا بكره الساعه عشره
وهنخلصلك الاجراءات.
بدار00 طيب وماينفعش حالا ليه ماهو لسه احنا الصبح
اهوه.
موظف00 دلوقتى ماينفعش ..لان
السيد المدير مش موجود.
بدار00
امال فين..
موظف00 فى اجتماع..
بدار00
يعنى ايه ..هرجع من غير التصريح ..لاء.. انا قاعد لحد ما المدير
مايرجع.
موظف00 لاء لاء اسمع الكلام
وروح دلوقتى وزى ما قولت لك ..فوت علينا
الساعه عشره بكره.
بدار00 لايمكن يااستاذ انا ضامن المدير هيروح
فين بعد كده.. انا قاعد لكم
هنا
لازق بغيره.
موظف00 يعنى ايه هتعطلنا شغلنا.
بدار00
ومين قال هاعطل شغلكم.. انا هابيع الحاجات اللى معايا دى
للموظفين لحد ما المدير مايرجع.. يعن هالقط
رزقى.
موظف00 كده طيب.. (ينادى) يامرزوق..
ياغباشى..
بدار00 الله هتعمل ايه..
موظف00 هنادى لك الامن طالما
بقى مش عايز تمشى بالذوق..
بدار00
(بتراجع) الله الله انت زعلت.. طيب سلام عليكم.
موظف00 ناس مابتجيش الا بالعين
الحمرا.
بدار00 بس اسمع انا هفضل مرابط له قدام الباب
ولو مجاش هاجيلك
تانى
ياجميل.
موظف00 انت جيت تانى.. امشى..
-
موسيقى-
(نهاية الحلقة 1)
(الحلقة الثانيه)
م/1
مستكه00 همه معنكلنها معاك ليه
..هو انت هاتعمل حاجه كده ولا كده.
بدار00
اعمل ايه لازم يعاينوا على المكان.
مستكه00والمكان مفهوش حاجه بينه
وبين الطريق العمومى 3متر
بدار00
فيه اجراءات علشان اخد التصريح ..ولازم اوفقهم علشان
ميعرضوش معايا.
مستكه00هو كمان عمايل الكشك
فيها صعوبات كده.. مافى ياما بيعملوا اكشاك
كده عينى عينك ومحدش بيقولهم حاجه.
بدار00
انا مش زى دول يامستكه.. انا علشان اعمل كشك لازم ابقى على
اساس سليم.
مستكه00 عندك حق.. اما يكون
معاك الرخصه ..احسن ماتكون مخالف
والبلديه تشلهولك..هه وهاتعمل ايه دلوقتى.
بدار00
هاروح للمدير واشرح له الموقف وانشاء الله اخد التصريح.
- موسيقى-
م/2
بدار00 بدار عمران ياسعت البيه..
المدير00 هه وعايز ايه ياسى بدار..
بدار00
عايز تصريح لكشك..
المدير00 كشك.. هاتبيع فيه ايه الكشك ده..
بدار00 ملابس رياضيه..
المدير00 والملابس الرياضيه دى عايزه لها كشك..
انت ممكن تقعد بهم
عند اى ناصيه او تبقى بايع متجول.
بدار00
يافندم بيقولوا ادخلوا البيوت من ابوابها.
المدير00 طيب ياسيدى ماقولتش حاجه..
بدار00
مش احسن من شرطة البلديه تيجى وتشلهولى وتشيل النصبه
اللى هاعملها..
المدير00 خلاص هابعت معاك الموظف يعاين عليه
ويكتب لى تقرير..
بدار00
زى ماتحب..
المدير00 مش هو جاهز.
بدار00
ايوه..
المدير00 طيب(ينادى) يا استاذ شحاته ياشحاته
افندى..
شحاته00 (صوت طرق اقدام تتقارب) نعم ياسعت
البيه.
المدير00 مع الاستاذ عاين لى على الكشك بتاعه
واكتب لى تقرير..
شحاته00 حاضر.. اتفضل ياستاذ.
- موسيقى-
م/3
بدار00 الله الله هو راح فين..
شحاته00 هو ايه اللى راح فين..
بدار00 الكشك..
شحاته00 هيكون اتسرق يعنى..
بدار00 انا كنت عامله هنا.
شحاته00 متاكد انك كنت عامله هنا.
بدار00 الله هو ده شارع ايه..
شحاته00 المرعشلى..
بدار00
يه دا فى الشارع التانى..اسف للازعاج اصلهم متشابهين..
شحاته00 لاء ياسيدى ابقى افتكر انت واقف فين.
-
موسيقى-
م/4
بدار00 ايه رايك يا استاذ شحاته..
شحاته00 عموما انا هاعملك التقرير زى المدير
ماقال ..وابقى تعالى
استلم التصريح..احنا مابنقفش قدام الانسان
الطموح مادومت ماشى
فى السليم ..ودلوقتى انت فى
السليم.
بدار00 شكرا قوى على حسن تعاونكم معانا فى حل
ازمة الشباب.
شحاته00 وان احيك لانك فكرت فى التصريح قبل
ماتفكر تشتغل علشان
موقفك يبقى قانونى..
- موسيقى-
م/5
بدار00 ياه الحمد لله النهارده عملت مجهود
جامد يامستكه..
مستكه00 خير يابدار..
بدار00
خلصت من موضوع الكشك..جبت التصريح
ومليته بالبضاعه كمان..
مستكه00 وجبت البضاعه منين.
بدار00
اتفقت مع صاحب شركه عرفتى عليه واحد صاحبى اخد منه
البضاعه بالتقسيط.
مستكه00 تقسيط..انت هتقسط من اولها..
بدار00
ايوه يعنى كل ما ابيع حاجه اديله مبلغ كده زى الناس مابتعمل.
مستكه00 اياك يارب يكون وشه حلو
عليك ويمشى علشان تريح نفسك
من اللف والدوران طول النهار.
بدار00
هو ده اللى كنت عايزه.. وربنا حقق لى مرادى.. تعالى بقى اوريكى
عملت ايه فيه.
مستكه00 مانى عارفه انت هاتعمل
حاجه وحشه.
بدار00
تعالى بس.. علشان تبدى رايك.. لان رايك مهم عندى قوى.
-
موسيقى-
م/6
مستكه00 (بفرحه) ياحلاوه ياحلاوه ايه كل
ده.
بدار00
عجبك.
مستكه00 طبعا اهيه هو انت تعمل حاجه وحشه.. كشك
عالناصيه طوله
مترين فى مترين.. وفيه بضاعه تشرح
القلب..
بدار00
لاء وايه علقت كمان الرخصه ..وخلينها باينه فى الواجهه لكل
واحد يشترى من الكشك.
مستكه00 ايوه كده بقى اللى
يشوفها يعرف انك مش مخالف.
بدار00 وكمان علشان البلديه ماتعرضنيش فى
الرايحه والجايه.
مستكه00 كده بقى مليت الكش
بالبضاعه.. ناقصك حاجه واحده بس.
بدار00 حاجة ايه..
مستكه00 الدعايه..
بدار00
الدعايه..
مستكه00 امال مش علشان الناس
تعرفك.
بدار00 يعنى ايه.
مستكه00يعنى ياخويا عايزلك مدير
اعمال للدعايه دى.
بدار00(يضحك)
هههه ..مدير اعمال مره واحده.
مستكه00 ايوه فيها ايه.. مش
مشروع زى اى مشروع ومعموله دراسه..
بدار00
ومين بقى هيبقى مدير اعمالى..
مستكه00 انا وليك عليا اعملك
دعايه محصلتش.
-
موسيقى-
(نهاية الحلة 2)
(الحلقة الثالثة)
م/1
مامادو00 (يتكلم عربيه
مختلفه قليلا)
ادينى تى شيرت نمره 10 وفانيلا نفس الرقم.
بدار00 تاخد رقم 5 او 7.
مامادو00 لاء مطلوب نمره 10.
بدار00
الله اشمعنا يعنى رقم 10بالذات.
مامادو00 رقم 10 هو رقم العظماء فى الكوره..
وانا بحب الخطيب
ومتعب
وشيكابالا وكمان وليد صلاح الدين.
بدار00 ليه..
مامادو00 علشان بيلبسوا رقم 10
بدار00
انا ملاحظ ان لغوتك مختلفه ..انت منين..
مامادو00 انا سنغالى واسمى مامادو عبدالله..
بدار00
اسمك مامادو عبد الله.. طيب تيجى ازاى دى.. مامادو وعرفنا
انه
سنغالى.. انما عبدالله مصرى.. ايه خلط دى على دى.
مامادو00 امى مصريه ووالدى سنغالى.
بدار00 قولت لى.. كده بانت الرؤيه..يعنى من
الجاليه السنغاليه فى مصر..
مامادو00 لاء انا مقيم فى مصر على طول.
بدار00
اه وعايز الحاجات دى كلها ليه بقى ياكابتن مامادو.
مامادو00 انا بلعب كوره ..بلعب مع فرقه اصحابى
كلهم من مصر.
بدار00
بتلعب كويس بقى على كده.. اصل انا اعرف انديه كتير وممكن
الحقك على نادى منهم.. ليا صله بلعيبه
وبموظفين فى النوادى..
وممكن اعملك اشتراك.. بس لو كنت موهوب..
مامادو00 (بفرحه) صحيح الكلام ده.
بدار00
(فى نفسه) والله فكره وضربت فى دماغى..
مامادو00 روحت فين.
بدار00 معاك ..اهم شئ تكون حريف.
مامادو00 طيب انا هالعب النهارده ماتش فى الساحه
تعالى اتفرج علىّ واحكم
ان كنت حريف ولا لاء.
بدار00 خلاص لعبك هيكون سبب سعدك.. وكل شئ
هيبان.
- موسيقى-
م/2
(صوت شباب يلعب كوره)
مامادو00 (بصوت عالى) جووون ..جووون..
لاعب00
مش جون.. اوفسيد.
مامادو00 جون صحيح ميه فى الميه.. مش دى جون
برضه ياكابتن..
بدار00
طبعا جون..وجون ميه فى الميه كمان.
مامادو00 صدقتم.. ادى الكابتن حكم بنا.
(صوت صفاره الانتهاء)
انتهى الماتش .. ايه رايك بقى ياكابتن.
بدار00 دلوقتى صدقت انك بتلعب كويس.
مامادو00 لكن تقيمك ايه للماتش اللى شوفته دلوقتى ياكابتن.
بدار00
انت موهوب ..انت يامامادو مستقبلك فى الملاعب ..وهتبقى
اجدعها لاعب.. بس لو اتوظفت صح.. قدامك مستقبل
باهر فى
عالم الرياضه.
مامادو00 (يتنهد) هيه كلهم بيقولوا كده
ياكابتن بس فين الحظ.
بدار00
يامامادو الحظ جالك ..والسعد قبالك انت امك دعيالك..
مامادو00 مش فاهم قصدك ايه.
بدار00
افهمك.. انا من سنوات اشتراكى فى النادى عرفت ازاى احتك
بنوادى بتلعب فى المظاليم وكنت بتمنى العب فى
نادى منهم
لكن الحظ .. انا بقى هخليك تحترف الكوره وتبقى
فوق فوق
زى النجوم الكبار.. وتبقى تقول صدق الكابتن بدار
فى كلامه.
مامادو00 (بفرحه) ياه ياكابتن دا تبقى
فرحة عمرى كله.. علشان كده
حبيت
اعيش فى مصر .. مصر ام الدنيا قالولى علشان تاخد
فرصتك
بجد استنى فى مصر..وان حاسس ان الحظ هيضحك
لى
اخيرا..ودايما دايما ياكابتن اللى يجى مصر الدنيا تسمعه
سواء
فى الكوره او الغناء او الفن.
بدار00 وانا بقى هاقولك هتعمل ايه.. علشان تحفر
اسمك فى عالم
المشاهير بحروف من دهب.
- موسيقى-
م/3
بدار00 يامستكه..افرحى وظأطتى انا النهار ده
لقيت كنز.
مستكه00 (بفرحه) والنبى.. بتكلم بجد.
بدار00 ايوه.. زى مابقولك كده.
مستكه00 طيب كنز دهب بقى ولا فلوس.
بدار00
احسن من الدهب والفلوس..
مستكه00
اهيه يبقى الماظ.
بدار00 احسن واحسن.
مستكه00 ايه ده كنز ايه ده.. ماتقول بقى غلب
حمارى.
بدار00 لقيت موهبه كرويه يامستكه.
- موسيقى-
(نهاية الحلقة
3)
(الحلقة الرابعة)
م/1
مستكه00 بتقول ايه.. موهبه
كرويه.. ولقيتها فين دى بقى فى النادى ولا
فى
مركز شباب.
بدار00
فى ساحه يامستكه.. فى ساحه وهو بيلعب.
مستكه00 انت باين عليك شارب
حاجه كده ولا كده.
بدار00
ليه بس.
مستكه00 بتخرف يابدار.
بدار00 صدقينى.
مستكه00 وبعد ما اصدقك هناخد الموهبه الكرويه دى
ونقطعها ونبيعها
عند الصايغ.. قول كلام غير ده.
بدار00
مانتش عارفه يامستكه اللى فى دماغى.
مستكه00 اسمع بقى.. الكلام ده مابكولش منه.. ايه
اللى لقيت كنز ويطلع
موهبه كرويه.. يافرحتى انا بحسب
لقيت اد 30- 40 الف جنيه
كنا صلحنا البيت الايل للسقوط ده.
بدار00 ماهو الكنز ده هيخلينا نعيش فى فيلا
ونركب عربيه كمان.
مستكه00
اسمع يابدار ان كنت سخن ياحبيبى قولى اجيب لك دكتور.. احسن
خلاص انا حاسه ان حرارتك بقت فوق الاربعين
ويمكن يجرالك
حاجه.
-
موسيقى-
م/2
بدار00
يامامادو اسمع كلامى.
مامادو00 انا لسه مش مستوعب اللى بتقوله
ياكابتن.. بقى هتخلينى احترف
بجد..
بدار00
طبعا.. انت لونك الاسمر ده هيساعدنى على انى اخليك تحترف..
او
على الاقل تلعب فى نادى مش تلعب مع شوية هواه.
مامادو00 طيب وانا اعمل ايه.
بدار00
انا اللى هاعمل.. انا هجهزك واوضبك واخليك تحترف زى لاعيبة
بره
تمام.. وغير كده انت افريقى بحق وحقيق.. يعنى مش بنضحك
عليهم.. وانت بقى وشطارتك تثبت فى الملاعب
كفاءتك.
مامادو00
لاء هاثبت.
بدار00
خلاص خلينى بقى اخطط لك.
- موسيقى-
م/3
بدار00 انا عارف كل النوادى اللى بتلعب فى
الاقاليم.
مامادو00 يعنى هالعب ضمن الاقاليم.
بدار00
الاقاليم دلوقت ىبتنافس على الطولات وبياخدوا الكاس والدورى.
وفيه
منهم بيلعب فى كاس افريقيا يعنى واخدين حظهم همه كمان.
مامادو00 ايوه انا عارف كده.. لكن يعنى كنت عايز
نادى فى الدورى.
بدار00
اسمع الاول تحط رجلك على اول السلم وبعد كده تبقى تطلعه زى
ما
انت عايز.. ولا ايه.
مامادو00 عندك حق ياكابتن.
بدار00 هو فيه حد بيطلع سلم المجد بقفزه..
مامادو00 طبعا لاء.
بدار00
عليك نور ..يبقى متفقين.. وكده بكره بقى وانت جاى هات لى
صوره
5*9
-
موسيقى-
م/4
مستكه00 قولى بقى ايه اللى فى دماغك يابدار.
بدار00
اللى فى دماغى رسم كبير هيعيشنا ملوك.
مستكه00 رسم ايه ده.
بدار00
هو مش كل مشروع له رسم او دراسة جدوه..
مستكه00 ايوه اعرف كده.
بدار00
خلاص اهو المشروع ده عامله رسم فى دماغى.
مستكه00 طيب ماتفهمنى واحده
واحده.
بدار00
هفهمك بس استوعبى معايا اللى هاقولهولك.
مستكه00 كلى اذان صاغيه.. هه
تكلم بقى مطرطألك ودانى اهوه.
بدار00
بقى اللى عايز اعمله ده حاجه غفلانين عنها المهتمين بالرياضه
فى
النوادى والفرق الكبيره ..لان كل واحد منهم مش عايز يتعب
نفسه
ويكشف عن اللاعيبه الموهبين اللى مالين كل مكان فى
مصر.
مستكه00 يعنى ايه الكلام ده.
بدار00
يعنى زى ماقلت لك لقيت النهارده كنز.. لقيت ولد بلعب كورهة
قدم .. وموهوب لدرجة انى بشك انه بيلعب لنادى كبير.. وفوق كده طلع
سنغالى يعنى افريقى ميه فى الميه..
وبطاقته بتقول كده.
مستكه00 ودى فيها ايه يطلع
سنغالى يطلع مالى وانا مالى.
بدار00
مانى جايلك اهوه فى الكلام.
مستكه00 طيب كمل.. خلينى وراك
لحد باب الدار.. اما اشوف اخرتها معاك.
بدار00 قولت ياواد يابدوره ليه مامستغلوش واخده
اسنفره واهندمه والمعه
واعرضه على نادى يتبناه رياضيا.
مستكه00 اه فهمت انت عايز تعمل زى المخرجين اللى
بيكتشفوا نجوم السيما..
يبقى
مزنوق فى وجه جديد يقوم يدور عليه فى ربوع مصر.. فى
الحوارى والازقه مش كده.
بدار00 اهو انتى فهمتى اهوه.. بس كمان اخليه بدل
ماهو قديم يبقى على
الطراز الحديث.. لعيب سوبر مافيش منه.
مستكه00 اى زى يعنى اكنك جايب هدمه مستعمله
وعدمانه العافيه..وغسلتها
وكوتها وبعتها من تانى ام الزبون اللى اشتراها
اتخم فيها ولا عرف
انها جديده ولا قديمه.
بدار00
برافو عليكى انتى كده بقيتى معايا على الخط.. وبكده اعرضه على
نادى
من فرق الدرجه (ب) اللى بتلعب فى الاقاليم.
مستكه00 وهمه هيخدوه منك.
بدار00
اكيد بس بعد مايختبروه.
- موسيقى-
(نهاية الحلقة 4)
(الحلقة الخامسة)
م/1
مامادو00 ادى الصوره اهه ياكابتن.
بدار00 ايوه كده تمام.. هات.
مامادو00 وبعد كده ايه الخطوه الجايه.
بدار00 متستعجلش يامامادو.. فى العجله الندامه
وفى التأنى السلامه.. انتظر
لاشعار اخر.
مامادو00 خلاص هنتظر ايه هيكون.. وانا على
تليفون.
بدار00 سبنى بقى امهد لك عند مدير كرة لنادى
محترم.. مين اخر نادى اتهزم
اليومين دول فى دورى الاقاليم.
مامادو00
اسمع عن نادى النخيل.. خد2/صفر من فريق الاحلام.
بدار00
يبقى كده تاهت ولقناها.
مامادو00
مش فاهم.
بدار00 هتروح نادى النخيل.
مامادو00
يعنى هتودينى نادى بيخسر ياكابتن.
بدار00
ماهو حلاوتها اما تروح نادى بيخسر وتنزل تجيب لك جون ولا اتنين
تفضل اساسى فى التشكيله على طول.. بخلاف لو رحت
نادى بيكسب
على طول هيكون مصيرك الدكه.. والاساسيين همه
اللى هيلعبوا.
مامادو00
يا سلام نظريه مبعديه برضه.
بدار00
فهمت..
مامادو00
انا معرفش ان دماغك كبيرة بالشكل ده.
بدار00
لاء ولو حظك بقى ايدوك فى النادى ..هتاكل من النخيل الشهد وانت
مستريح رطب رطب.. حاكم النوادى دلوقتى بتكرم
اللى بيجيب لها
جون فى الخصم.. لانه فى نظرهم بيبقى اللاعب
الجوكر.
- موسيقى-
م/2
مستكه00 وازاى هتشتغل شغلانة السمسره دى مش بيقى
لها علام ولا شهادة
خبره
يابدار.. هاتشتغلها من غير ماتعرف حاجه عنها .
بدار00 هى لا لها علام ولا شهادة خبره.. دا
بالفهلوه .. انتى مش عارفه
سمسار العمارات والشقق.
مستكه00
ايوه.. طبعا عرفاهم.
بدار00 اهو انا بقى هبقى زيهم بس فى مجال
الكوره.
مستكه00
والله عشت وشفت ياولاد وشوفت الكوره كمان بقى لها سمسره.
بدار00
امال واول ماهبدأ هبدأ بمامادو عبد الله.
مستكه00 مين ياخويا.. ما ايه.
بدار00
ماهو ده اسمه.. ما مادو عبد الله.
مستكه00 وكمان اسمه مامادو.
بدار00
وادى صورته اهيه.
مستكه00 ورينى.. ايه ده هو
متصور فى الضلمه ولا ايه.
بدار00
لاء يامستكه دا هو اللى اسمر ..
مستكه00 بس اسمر كحله قوى.
بدار00
ماهو علشان كده هيساعدنى انى اقول عليه افريقى.
مستكه00 وهو افريقى افريقى هو
احنا جايبن حاجه من عندنا..بس كل ده
ماشى انما بقى قولى الاول هتعمل ايه
فى الكشك اللى عملته وبتبيع
فيه الملابس دى..وصرفت عليه وجبت له
الرخصه وجهزته من
مجاميعه.
بدار00 مانى جانى فكره حلوه قوى كمان.. هورد من
خلاله ملابس اللاعيبه
للنوادى ومراكز الشباب.. يعنى
هاستغله هو كمان مش هيقف
يامستكه واهو يبقى من هنا وهنا.
- موسيقى-
م/3
بدار00
قبل ما اعرض مامادو على مدير الكره لازم تعملى اللى هاقولك عليه..
مستكه00 هاعمل ايه.
بدار00
الكمبيوتر.
مستكه00 ماله.
بدار00
هندخل عليه انترنت.
مستكه00 واشمعنى.. ايه دخل الانترنت فى الحاجات
دى كمان.
بدار00
هنزل الصوره اللى معانا دى على الفيسبوك ونقول عليه انه محترف
ولما
اقعد مع مدير الكره اخليه يفتح الموقع يلاقى صورته.. يقوم
يطمن
فيوافق على طول..
مستكه00 يعنى عايز تديله الدليل با مامادو ده
محترف والدليل قدامه على
النت.
بدار00
ايوه.. هتعرفى تعملى الموضوع ده.
مستكه00 قوى امال انت متعرفش انى معايا دبلوم لا
ايه.. وكمان الست
ظريفه
جارتنا الله يكرمه مفطمانى على كل حاجه.
بدار00 اى صحيح.. ماشى..
مستكه00 هانزلهالك زى مانت عايز.
بدار00
ماشى بس اسمعى اكتبى بقى على الصوره.. مامادو اللاعب السنغالى
يصل
الى مصر بعد ايام فى صفقه سريه لاحدى النوادى.. امضاء
بدار السمسار.
مستكه00 ايوه عايز تسبق الدور يعنى.. فهمت.
بدار00 اصول الشغل.. ولا ايه ماهو لازم ادى
للفرق اللى بتلعب كرة قدم
فكره عنى قبل ما اخوض فى الشغلانه
الجديده دى.
-
موسيقى-
م/4
مستكه00 ايه رايك فى الصوره وهى
على الموقع كده.
بدار00
ايوه كده تمام .. اكلم الراجل وانا قلبى جامد.
مستكه00 باقولك ايه يابدار..
الموضوع ده لو صح كده هيطلع لنا منه قرشين
حلوين.
بدار00
طبعا يامستكه .. السمسره دى فن ومفهوميه انا اعرف ناس شغالين
فى
الموضوع ده وعاملين شغل هايل.. وبيجيبوا
لاعيبه من بره..
بس
ناسين المواهب اللى فى مراكز الشباب واللى بتلعب فى الساحات..
علشان
كده لما فكرت فى شغلانة السمسره دى وفقت عليها باقتناع.
مستكه00 انا علشان معرفش الشغلانه دى خايفه
منها.
بدار00 لاء متخفيش انا عندى فكره فيها واهو بقيت
اطلع على كتب خاصه
بالموضوع ده.
مستكه00 ماشى بس يارب يجبرك فى مامادو ده اهو
يشجعك ويفتح لك الباب.
-
موسيقى-
(نهاية الحلقة 5 )
ليست هناك تعليقات:
إرسال تعليق