(الحلقة
السادسة والعشرون)
م/1
تيفا00 انا ميسيو تيفا الليفا
الموفد من الفيفا .. اول ماواصلنى خطابك جيت
لك على طول.. ايه
الحكاية ياكابتن ابوحمام..
ابوحمام00 مانى شرحت لك كل حاجه فى
المذكره ياميسو..
تيفا00 اللى فى الورق حاجه واللى على الواقع
حاجه تانيه..عايز اسمع منك
هه ايه النزاع الذى
نشب بينك وبين كابتن برعى..
ابوحمام00 بقى الحكاية..
تيفا00 (مقاطعا) ولا اقولك مفيش داعى
للتكرار احنا اللى هنقوله نعيده..
يكفينا المذكره..
ابوحمام00 ماقولت لك كده من
الاول..
تيفا00 معلش ياسيدى .. نقصر الطريق مفهاش حاجه..
ودلوقتى مشكلتكم
دى خلاص قابلتها
حيطه سد..
ابوحمام00 ياكابتن عايز ياخد الاعب
بدون وجه حق..
تيفا00 ماعندوش حق.. لاعب بتاعك يخدوا ليه..
ابوحمام00 اديك قولتها .. يبقى بقى
شوماشو بتاعى ولا بتاعه..
تيفا00 شوماشو مين..
ابوحمام00 قصدى حماده الونش..
تيفا00 ايوه .. حماده الونش زى ماهو مظبوط
عندى..
ابوحمام00 ماهو اسمه ده اللى
لخبطنا .. وعمل بنا الاختلاف..
تيفا00 باقولك ايه انا مش فاهم حاجه فهمنى واحد
واحد ..تيتا تيتا
واعمل حسابك زى ما
هسمع منك برضه هسمع من كابتن برعى..
- موسيقى-
م/2
برعى00 بقى كابتن ابوحمام شاكينى
فى الفيفا.. انا انا يجيبلى موفد من الفيفا..
بدار00 اللى جاى ده جاى علشانى ياكابتن برعى..
برعى00 لاء انت بتقولى كده علشان
ماعملوش حاجه ..بس طيب ماكنتش
اخليه يشوف الدورى
الممتاز فى حياته..
بدار00 ياكابتن اهدى ورق علشان تعرف ترسم خطة
ماتش بكره..
برعى00 انا هادى خالص .. واللى
مايعرفوش بقى انى هالعب بخطه
هجوميه ابادره بهزيمه مباغته من اول دقيقه..
بدار00 لكن انا كنت بقول يعنى ان تستغنى عن
الاعب له وخلاص..
برعى00 ايه استغنى عن الاعب لا
يمكن..
بدار00
ياكابتن هاقولك على حقيقه مايعرفاش منافسك.. الونش عمل الزايده
ومش هايشارك فى ماتش
القمه..
برعى00 ايه.. الكلام ده صحيح.
بدار00 زى مابقولك..
برعى00 مش معقول.. كده انضرب..
خلاص نستغنى عنه بس بشرط..
بدار00 شرط ايه..
برعى00 يدفع لى الشرط الجذائى..
750جنيه..
- موسيقى-
م/3
بدار00 خلاص ياميسيو تيفا اتحلت المشكله..
تيفا00 ازاى ياكابتن بدار..
بدار00 كابتن برعى وافق يتنازل عن الونش..
تيفا00 معقول بالسهوله دى وهو
هيلعب بكره ماتش مصيرى..يا اما فى الجون
يا اما اوت..
بدار00 ايوه.. بس طالب شرط..
تيفا00 شرط ايه..
بدار00 الكابتن ابوحمام يدفع له ال750جنيه الشرط الجزائى اللى فى العقد..
تيفا00 يبقى لازم اقابل كابتن
برعى..
- موسيقى-
م/4
تيفا00 معقول انا ماكنتش مصدق وانا بسمع من
كابتن بدار الكلام ده..
برعى00 الكلام صحيح ياميسو تيفا..
تيفا00
الحمد لله انكم حلتوها ودى ..لانها كانت هتدخل فى متاهات..
برعى00
ازاى يا مسيو..
تيفا00 قولت لى ازاى.. انت والكابتن ابوحمام
لو اتمسكتم برايكم كانت
هاتفصل
بينكم المحكه الرياضيه..واذا تبين مخالفة اللاعب كان
هايتوقع عليه غرامه
ووقف من اللعب لحين براءته.. هل هو شوماشو
او حماده الونش وحلينى بقى على مالحقيقه تبان..
برعى00 الحمد لله الحقيقه انا فكرت برضه علشان ماعكرش صفو مزاج
الفرقه وقلت اخدها
من قصيرها ..هو يعنى جيت من لاعب مانى
عندى اشبال مرترتين
ع الدكه..
تيفا00 ياسلام خير ماعملت.. بكده بقى تدخل
على الماتش بقلب جامد مايتهزش
منك الدفاع ولا
الهجوم ولا الوسط..
- موسيقى-
م/5
ابوحمام00 وماله ان كان على الشرط
الجزائى هادفعهوله.. بس يلعب ماتش
القمه بكره ..
بدار00 مافتكرش ياكابتن هيقدر يلعب..
ابوحمام00 ايه بتقول ايه..
بدار00 ايوه لانه فى المستشفى حاليا..
ابوحمام00 معقول ..طيب ليه..
بدار00 بيتعالج من الزايده ياكابتن..
ابوحمام00 ايه يعنى جيت الحزينه
تفرح ما لقتلهاش مطرح.. ده كلام ياحظك
العاثر يابوحمام..
- موسيقى-
م/6
تيفا00 المهم تكون اقتنعت
ياكابتن برعى..
برعى00 اقتنعت..
تيفا00 خلاص وده الكارت فيه تليفونى والايميل
بتاعى..انت ترن
عليا بس او تبعت لى
ميست كول.. كون قدامك هوا.
برعى00 يبقى بينا ميست كول.. ولا
اقولك نبقى على رنه احسن لان
الرنه مابتكلفش النادى اى اعباء ماليه.
تيفا00 وماله انا تيفا الليفا
الموفد من الفيفا.. كل شئ هيبقى تمام التمام ..
انت بس تمشى على الرشته
اللى ادتهالك.. وتستعمل الحزم
مع اللعيبه ..هاتصعد للدورى
بجداره..
وائل00 اطمن ياكابتن.. انا عندى
خطه متخرش المايه .. هنفذها
فى المباراه الجايه..
تيفا00 طيب.. يلا سلام.. يا.. كابتن
وائل اشوفك فى ماتش القمه..
- موسيقى-
( نهاية الحلقة 26)
(الحلقة
السابعة والعشرون)
م/1
مستكه00 باقولك ايه ياست ظريفه ..
انا قصداكى فى خدمه..
ظريفه00 اهيه عنيه اؤمرى وانا تحت
امرك..
مستكه00 بقى عايزه منك تكلمى الواد
حود ه بتاع الدش يوصل وصله لحبايبه
فى الشارع .. وبالمجان..
ظريفه00 ليه يا ست مستكه..
مستكه00 علشان الكل يتفرج على ماتش
ال قمه اللى هيبقى بينن فريقى
الزغاليل والحمام..
ظريفه00 والنبى مانى كان ليا الغرض
ده..ولا راضيه على الوصله دى..
مستكه00 طبعا وانى كمان يتحكم فى
3-4 قنوات لما ممكن اتحكم انى فى 600قناة
بس الضروره ليها
احكام.. وده اللى قدامنا دلوقتى..
ظريفه00 طيب واشمعنا الماتش
ده اللى عايزه كل الناس تتفرج عليه..
مستكه00 لان بدار هو اللى فض
النزاع اللى نشب بينهم ..والماتش ده هيبقى
سخن بدرجة حراره 40 درجه مئويه.. وكمان اللى
هايغلب هو
اللى هيعتلى عرش الدورى الدرجه (ب)
ظريفه00 خلاص ليكى عليا اخليه
ينقله على الهوا مباشر وكمان عبر
الموجه القصيره..
-
موسيقى-
م/2
مستكه00اسمع يابدار.. موضوع حماده
الونش ده ياخويا خدت منه درس ..
ولازم تحذر من ماهو
آتى..
بدار00 قصدك ايه يامستكه..
مستكه00 قصدى انك ياخويا تاخد حزرك وتاخد بالك ومتعدش الكرّه دى تانى ..
انت شوفت اللى حصل ..
بدار00
ايوه.. خدت درس انما درس علمنى علشان كده بقى لازم اخد قرار
حاسم فى الموضوع ده..
مستكه00 ايوه احمد ربنا انها جيت على قد كده واتهدوا ..غير كده كان
هايحصل كلام تانى..
مستكه00 ماتخفيش يامستكه انا بدرس حاليا كيف اتجنب المشكل الكرويه
من قاموس ابن عدويه..
-
موسيقى-
م/3
ظريفه00 خلاص ياست مستكه اتفقت مع الواد حوده يمد وصله الدش لجميع
قهاوى الشارع ..هى برضه السهره تحلى
الا الفرجه فى القهاوى..
مستكه00 برافوا عليكى واهوالقهاوى
بتقبى مليانه يعنى هيتفرج عليه اكبر
قدر ممكن من الجمهور.. ويتيح للى ماعنوش دش ياخد
فرصته
فى المشاهده..
ظريفه00 بس انا كان عندى فكره
كمان..عايزه اقولهالك..
مستكه00 قولى .. اهيه احنا بينا
التعاون..
ظريفه00 بقى انا بقترح ان الطلبه
اللى فى مدرسة بداركو مكتشف
مواهبكو يتفرجوا على الماتش..
مستكه00 اشمعنا..
ظريفه00 علشان لما يتفرجوا على
الماتشات دى يتعلموا من خبرة من
سباقوهم .. فى طريقة
الضربات الركنيه وفى الحيطه البشريه
وفى ضربات التماس كده يعنى يقوموا ياخدوا خبره
زيهم..
مستكه00 والله فكره..
ظريفه00 وكمان مش المثل بيقول انتم
السابقون ونحن اللحقون..
مستكه00 ايوه..
ظريفه00 خلاص يبقى يطبق على دول
كمان.. بس يكون التلفزيون اللى
يتفرجوا فيه مايكنش
اقل من 27بوصه..
مستكه00 ليه بقى..
ظريفه00 علشان يتفرجوا وكأنهم فى
الملعب..
-
موسيقى-
م/4
بدار00 منزله التليفزيون الكبير
ده ليه يامستكه..
مستكه00 علشان يتفرجوا عليه فى
المدرسه يابدار..
بدار00 الله ماعندهم الكمبيوتر والكمبيوتر بيبث
نفس برامج التليفزيون..
مستكه00 ودى تيجى .. هى برضه صورة
الكمبيوتر تيجى زى صورة التليفزيون
صورة التلفزيون نقاء
وصفاء .. وانا هاحط لهم التليفزيون ده عنده لحد ما
الماتش ينتهى ويعلن
الحكم عن النتيجه..
بدار00 طيب ليه كل ده ..ماكنا خدناهم احسن
الاستاد ويبقى عملى..
مستكه00 وليه نكلف نفسنا انتقال
وعربيات رايحه وجايه ووجبات ومشروبات ..
ماهو التليفزيون اهوه يتفرجوا على الماتش وكأنهم
فى الملعب..
ثم كمان من خلال
مشاهدتهم على الماتش هديهم اسئلة فى قوة الملاحظه..
بدار00 زى ايه يعنى..
مستكه00 زى مثلا لون الكوره ..
بدار00 وفيه حد مايعرفش لون
الكوره..
مستكه00 اهيه ماهى دى بقى
الفتاكه.. كل واحد بيتفرج على الماتش
ومنتبه له..ومركز
على الكوره تيجى جون ولا ماتجيش وينسى
لون الكوره.. شوفت
بقى..
بدار00 طيب وايه تانى..
مستكه00 كمان لون النجيله ..عدد
المتفرجين فى المدرجات المدرب العام بتاع
كل فرقه اجنبى ولا
وطنى .. كام لاعب بيلعب فى الملعب..
بدار00 طيب ليه كل كده..
مستكه00 ماهو اللى هيأجب على كل ده
هيصعد لسنه اللى بعدها.. مانى
ناويه اعملهم الاسئله
دى اسئلة امتحانات بس من غير ماياخدوا
بالهم..
بدار00 بس انا متوقع ان كلهم هايجيبوا الدرجه
النهائيه..
مستكه00 لاء مانى عامله حسابى
..لازم افتش كل واحد بيتفرج على الماتش ..
بدار00 ودى عايزه تفتيش ..
مستكه00 اهيه امال مايمكن حد مخبى
كوره كده ولا كده يطلعها يشوف لونها
ابقى اعمل ايه انى ساعتها..
بدار00 يامستكه ما تشدديش
عليهم..
مستكه00 مانى هاستعمل معاهم الرأفه برضه.. والمحتاج منهم ال3 بنط
هاديهم ال3 بنط علشان ماينزلش درجة تانيه..
- مويسقى-
(نهاية الحلقة 27)
(الحلقة الثامنة والعشرون)
م/1
مستكه00 معقول الكلام ده اللى
شوفته على الفيسبوك ده..
بدار00
شوفتى ايه يامستكه..
مستكه00 صحيح الماتش هايتلعب بدون جمهور..
بدار00 ايوه انا سمعت كده بس مش
عارف صحيح ولا لاء ..
مستكه00 بقى ده كلام يحرموا جمهور
زى ده مايحضرش مباراة هامه زى دى..
بدار00 ماهو عاملين علشان الشغب
يامستكه..
مستكه00 وليه الشغب من اصله ..ما
اللى يروح يشجع يكون عنده روح
رياضيه ويتقبل
الهزيمه والنصر.. وكمان ده مصرى وده مصرى
يعنى كلنا اهل..
بدار00 ايوه بس ساعات يحصل حاجه
صغيره فى الملعب يهيج عليها
الجمهور وتقوم الدنيا
ماتعدش..
مستكه00 وده غلط طبعا بكل المأييس (مقصوده
بهذا النطق) التشجيع لازم
يكون حضارى ومثالى ..همه مايعرفوش اننا بقينا فى
عصر
السموات المفتوحه
..يعنى كل حاجه بقت على عينك يا تاجر..
بدار00 ايوه بس ماتش مهم زى ده
عايزين يعدوه بسلام..
مستكه00 وهو علشان يعدوه بسلام
ويريحوا دماغتهم يقوموا يعملوا الموئف ده..
لاء لازم يفتحوا ابواب
الاستاد تدخل الجماهير تستمتع باللعبه الحلوه
هى الكوره تحلى الا
بالجماهير..
-
موسيقى-
م/2
بدار00 الكلام اللى قولتيه صحيح
يامستكه ..انا لسه جاى من عند كابتن برعى
وقالى عن موضوع الجمهور..
مستكه00 صدقتنى بقى.. هه وهايعملوا
ايه..
بدار00 رفعوا مذكره للاتحاد ومنتظرين الرد بعد ساعات..
مستكه00 اياك يوافقوا يارب..
الواحد بيفرح كده وهو بيشوف منظر الجماهير
فى المدرجات..
بدار00 لاء وايه كانوا عايزين ان اللى يحكم الماتش حكم اجنبى..
مستكه00 ودى كمان انا مش موافقه
عليها.. ماهمه لازم يعرفوا ان الحكم
المصرى مفيش زيه ..هو يعنى فى بلاد بره بيختلفوا
على حكامهم
يقوموا يجيبوا حكم من
بره يحكم لهم الماتش..
بدار00 لاء..
مستكه00 طيب يبقى ليه بقى مانعملش
زيهم..
بدار00 كلامك مقنع بس فيه حاجه..
مستكه00 حاجة ايه..
بدار00 ازى نفهمهم ان الكلام اللى
قولتيه ده صح ميه فى الميه..
مستكه00 بالتوعيه المستمره ..
والدورات التدريبيه..
- موسيقى-
م/3
صاصا00 وتبقى ساعات قليله وتنطلق الجوله الاخيره فى سباق دورى المظاليم ..
بين فريقى الزغاليل
وابوحمام فى لقاء القمه المصيرى .. ولكن الشارع
الرياضى لم يهدأ
ويتسائل هل اللاعب شوماشوا او حماده الونش بعد
ماانكشف المستور وبان
سيلعب مع من فريق الزغاليل او فريق ابوحمام..
وهل المباراة التى
ينتظرها عشاق الكره المصريه هل ستكون بدون
جمهور زى ماسمعنا من
المغرضين ولا لاء .. هذا ما يجيب على
هذه الاسئله اللحظات
القادمه .. والان علينا ان نسارع الى استاد بعزق
فى مزنق وهنروح اذا
دخلونا يبقى الماتش بجمهور واذا طاردونا يبقى
ماباليد حيله وكل واحد
مننا يشوفله قهوه يتفرج فيها..
صاصا ابوطافيه الشباب
والرياضه..
- موسيقى-
م/4
بدار00 افرحى يامستكه ..
افرحى..
مستكه00 حصل ايه يابدار..
بدار00 خلاص الماتش هيكون
بجمهور..
مستكه00 (بفرحه) صحيح..
بدار00 ايوه زى مابقولك كده..
مستكه00 ياسلام فرحتنى .. كده قلبى
استريح..
بدار00 هه ايه رايك بقى..
مستكه00 كده نعرف نشوف كوره فيها
اثاره.. امال الجمهور هو اللى بيعمل
حس لاى ماتش .. وكمان
بيدوا حافز للاعب يبدع فى الملعب..
بدار00 ايوه تمام .. استعدى بقى
احسن خلاص الماتش قرب .. ونوهم ينقلوه
على الهوا مباشر..
مستكه00 مستعده وجهزه كل انواع
التسليه وعامله كراسى فى ناحيه
لمشجعين الزغاليل ..وكراسى تانيه فى ناحيه
لمشجعين ابوحمام..
بدار00 بس اوعى يامستكه حد كده ولا كده يعمل شغب
اذا جه جون هنا ولا هنا..
مستكه00 لاء ماتخفش مانى عامله
احتياطى.. جايبه لكل كرسى شريط هاربط
كل واحد فيهم فى الكرسى اذا ما لتزمش باداب
الفُرجه..
- موسيقى-
م/5
مستكه00 على فين كده يابدار..
بدار00 رايح الاستاد..
مستكه00 الله ماتخليك تشوف الماتش
معانا احسن مايحصل حاجه وتروح
فى الرجلين.. لا
يقوم شغب ولا حاجه.. زى مابنسمع فى الماتشات
اللى زى دى..
بدار00 ماتخفيشى .. الامن عامل
حسابه ومكثف العمليه مظبوط.. ثم انا
لازم
اكون هناك فى ظروف زى دى ..لان هيبقى فيه وكلاء للاعبين
ومديرين تسويق من كل جهه .. لان الماتش المهم
اللى زى ده بيبين
اسعار اللاعيبه
وانتقالتهم..
مستكه00 وماله روح.. روح يمكن تطلع
لك بلاعبين تلاته.. مقدرش
اعطل مسيرتك.. وكمان
هاتبعك واحده واحد من خلال كاميرات
التليفزيون وهى بتجيب
الجمهور.. بس اسمع..
بدار00 ايوه..
مستكه00 ابقى يا خويا اقعد فى
المقصورة الرئيسيه.. علشان اضمن ان
الكاميرا هاتجيبك..
بدار00 مانى كمان لابس مميز اهو
علشان تشوفينى ومتحتاريش تدورى عليا
وسط الجمهور..
مستكه00 كده كويس وخليك متواصل
معايا على طول الخط.. واذا زنقت
معاك ومالقتش الكاميرا التفتلك ناحيتك نام..
بدار00 انام..
مستكه00 ايوه.. اصل الكاميرا بتلقط
الحاجات الغريبه..
-
موسيقى-
(نهاية الحلقة 28)
(الحلقة التاسعة
والعشرون)
م/1
بدار00 يلا يا كابتن ابوحمام
اليوم يومك..
ابوحمام00 انا خايف ياكابتن بدار
.. خايف..
بدار00 خايف .. من ايه ..كل
شئ ماشى تمام والجمهور دخل الملعب
من بعد
ماكان الماتش هيتلعب بدون جمهور..
ابوحمام00 مش خايف من كده..
بدار00 امال من ايه بس..
ابوحمام00 خايف لا اللاعيبه يلوفوا مع الزغاليل
ويتهاونوا ويغلبونا..
بدار00 طيب ليه يعنى..
ابوحمام00 اصلهم طالبين زياده على عقدهم..
بدار00 طيب ماتدفع لهم زياده.. وفى حالة
الفوز اصرف لهم مكافئات..
ابوحمام00 منين..
بدار00 خلى الزعبلاوى رجل الاعمال يدفع..
ابوحمام00 الزعبلاوى خلاص ساب الفريق ومشى..
بدار00 طيب والحل..
ابوحمام00 مفيش الا حل واحد.. بعد الماتش ده
اللى عجبه على كده ماشى..
الا مش عجبه اعيره او اعرضه للبيع..
بدار00 خلاص ياكابتن انا هبلك الفرقه بدماء جديده
والمره دى هيكونوا
مصرين ميه فى
الميه وموهوبين يعنى موهوبين..
- موسيقى-
م/2
المعلق00 ياجماعه الكوره فن وهندسه.. يعنى التشجيع لازم يكون مثالى..
الفرقه اللى تغلب فى
النهايه فرقه مصريه.. يعنى نتقبل الفوز
والهزيمه .. نعود
للماتش.. ابوناءه معاه الكوره.. يديها لمخيمر من
فريق الزغاليل.. قطعها
سلامه نصر..عرضيه لمجاهد.. انما يصدها
هيثم الجن من فريق
ابوحمام.. خدها مخيمر ماشى مخيمر عرضيه
قبل
الجن لابوناءه.. شاط شوطه صاروخ فى المقص صدت فى
العارضه.. ياسلام..
(صوت هياج لجمهور)
كانت جون ..لكن صدتها
العارضه ..فات من الماتش ربع ساعه ..
وفيه اثاره ياجماعه..
-
موسيقى-
م/3
ابوحمام00 فات وقت طويل ومفيش اى تقدم..
بدار00 متقلقش ياكابتن.. الجون بيجى فى ثانيه..
ابوحمام00 انا قلبى متوغوش.. ومش هصعد للدورى العام..
بدار00 بس اللى شايفه ياكابتن
غير كده.. اللعب نظيف.. وقرارات الحكم
سليمه.. هو بس دفاع فريق الزغاليل صعب اختراقه
شويه..
ابوحمام00 شوفت اديك قولتها .. ولو فضلوا على كده مش هنحرز هدف
الفوز نهائى..
- موسيقى-
م/4
المعلق00 عايز اقولكم حكاية
ابوناءه .. ابوناءه ده موهوب انتقل من فريق
النخيل
السنه اللى فاتت ب3تلاف جنيه.. ماهو ابن الكابتن بلحه
الكبير
يعنى من عائله كرويه فى النادى العريق.. الله الله ايه
ياجماعه تحديف الطوب ده.. من دلوقتى امال الماتش
يسخن هتعملوا
يه.. لا
لاء دا فروله وبنبونى .. والله فيكم الخير ياريت ياجماعه
تبقى
ملاعبنا كده.. اهو افضل من تحديف الازايز والحاجات دى..
-
موسيقى-
م/5
ابوحمام00 (بغضب) ياكابتن نزل الاحطياطى.. اعمل حاجه..
بدار00 مش كده ياكابتن ابوحمام..
ابوحمام00 حلاص راحت منى البطوله..
بدار00 كده بصره يعنى لا انت غالب ولا هو غالب..
وكده انتم الاتننين
حبايب..
ابوحمام00 هنفضل فى المظاليم يعنى اللى هيصعد الدورى فريق
النخيل..
بدار00 معلش ياكابتن متعوضه السنه الجايه .. بس
بقى باللعيبه اللى
هجبهالك ياكابتن..
- موسيقى-
م/6
صاصا00 وهكذا اسدل الستار على دورى الدرجه (ب) بعد تعادل فريقى
نادى ابوحمام ونادى
الزغاليل.. والذى جاء من مصلحة نادى النخيل
الذى صعد الى الدورى
الممتاز.. وكان قد قدموا له الهديه على طبق
من ذهب..
نلقاكم الموسم القادم
انشاء الله..
وعلى راى مثل تيزه : احزان
الفريقين عند فرقه فوائد.. انتو لعبتوا
واللى ملعبوش صعدوا..
صاصا ابوطافيه..
الشباب والرياضه..
- موسيقى-
(نهاية
الحلقة 29)
1/30
(الحلقة الثلاثون)
م/1
مستكه00 شوفت خلافهم ويابعض عمل
معاهم ايه..
بدار00
ايوه يامستكه.. بس الكوره حظ برضه..
مستكه00 ايوه حظ انا معاك ..
لكن الجديه والهمه لها دور برضه فى عملية
الفوز .. خدوا ايه بقى من اللى اسمه
حماده الونش ده اللى عملوا البه..
بدار00
ماهو من البدايه ماكنش صح يامستكه..
مستكه00 عايز تقول ايه..
بدار00
انا مش مستريح من اللى عملته ده..
مستكه00 ليه هو انت عملت حاجه
غلط.. انت سمسار بتتوسط فى بيع
وشرا اللاعيبه.. وكانوا بيطلبوا منك تجيب لهم
اللاعيبه بمحض
ارادتهم..
بدار00 انا علشان كده فكرت فى حاجه..
مستكه00 حاجة ايه..
بدار00
هاتعرفيها فى وقتها..
- موسيقى-
م/2
مستكه00 باقولك ايه ياسى بدار..
بدار00 ايوه يامستكه..
مستكه00 احنا خلاص هنعمل حفلة نهاية السنه لطلبة المدرسه..
بدار00 حفله..
مستكه00 ايوه.. وكمان انا بقترح حاجه..
بدار00 حاجة ايه..
مستكه00 ايه رايك لو تدعى مراكز الشباب فى كل المحافظات والقرى
يحضروا الحفله..
بدار00 ليه..
مستكه00 اهو يجوا يشوفوا نتاج عملنا..
بدار00 وده معقول يامستكه.. هو
انتى فاكره يعنى ان احنا اول ناس
تعمل مدرسه.. دا ياما كتير عاملين مدارس
واكاديميات..
مستكه00 مانى عارفه.. عارفه كل ده.. بس هدفى من كده انهم لما يتلموا
فى حدث واحد يبقى من ناحيه يتعرفوا عليك وعلى
نشاطك وكمان
يشوفوا مهارة الولاد
.. يمكن حد منهم يضموه عندهم للاشبال..
بدار00 والله فكره.. خلاص اعملى تلغرافات لمراكز
الشباب كلهم..
مستكه00 لاء انا هاكتب دعوه على الفيسبوك اسرع..
- موسيقى-
2/30
م/3
ظريفه00 والنبى بتكلمى بجد ياست
مستكه..
مستكه00 ايوه ياست ظريفه زى
مابقولك كده..
ظريفه00 يعنى ابنى ظريف هيتفرج
عليه مراكز الشباب بكره..
مستكه00 مراكز الشباب ومندوبين من
الفرق وجهاز الرياضه..
هتبقى حفله كبيره
قوى..
ظريفه00 ياحلاوه.. والله عشت وشوفت
موهبة ابنى على ارض الواقع..
- موسيقى-
م/4
(فى
مكبر صوت)
مستكه00 مدرسة بداركو مكتشف مواهبكو ترحب بكم فى هذا الجمع
السعيد.. وتشكر كل
مراكز الشباب ومندوبين الفرق وجهاز
الرياضه ..
وكل من حضر هذا الحفل
.. وعلشان تعرفوا نبذه عن المدرسه
ونشاط بدار السمسار عملنالكم كتيب صغير فيه كل
المعلومات ..
هنوزعها عليكم جميعا..
(تصفيق)..
شكرا.. والان سيتحدث
معكم كابتن بدار السمسار ..
اتفضل..
بدار00 شكرا.. بسم الله الرحمن الرحيم.. وقل
اعملوا فسيرى الله عملكم
ورسوله والمؤمنين..
صدق الله العظيم..
شعبان00 ياكابتن لو تسمح..
بدار00 اتفضل..
شعبان00 انا مواطن من مركز شباب ابو المطامير .. بتكلم نايبة عن جميع
مراكز الشباب.. احنا
ياكابتن مش واخدين فرصتنا.. حيالله مشتركين
فى مراكز ومفيش دورات
لنا حقيقيه نقدر نخرج فيها مواهبنا..
نخرج طاقتنا الكرويه
.. وطالبن نظره جديه لنا علشان ناخد
فرصتنا..
بدار00 اوعدك واوعد كل مراكز الشباب انى هتولى
من دلوقتى هذه
المهمه.. وهجاهد مع جهاز الرياضه لتطوير مراكز
الشباب
ولاعبيها..
(تصفيق)..
3/30
مستكه00 خد يابدار القى عليهم
البيان ده..
بدار00
استنى يامستكه.. البيان اللى عندى اهمم.. وعايز اقولكم
انى لما اشتغلت مهنة السمسره دى كان هدفى اقدم
اللاعب
المصرى ابن الارض دى صاحب المواهب الفذه بطريق
غير مباشر .. لكن حصل
مفارقات وحكايات المكتوبه معاكم
فى الكتيب .. واللى
اوجزت فيها حكاية مامادو شاكر ..
وشوماشو وابوفجله
وغيرهم .. لكن من اللحظه دى اتعهدت
مع نفسى
انى هاكتشف مواهبكم المدفونه فى مراكز الشباب
والحارات والنجوع بس يكون الاعب مصرى ميه فى
الميه..
(تصفيق حاد)..
- موسيقى-
(نهاية الحلقة
الثلاثون)
ليست هناك تعليقات:
إرسال تعليق